MKOA WA SIMIYU WAADHIMISHA SIKU YA WAUGUZI DUNIANI

Posted on: May 19th, 2023

Mkoa wa Simiyu leo umefanya maadhimisho ya siku ya Wauguzi Duniani katika viwanja vya Dutwa katika Halmashauri ya Wilaya ya Bariadi. Katika maadhimisho hayo huduma mbalimbali za kiafya zilitolewa bila malipo, miongoni mwa huduma hizo ni pamoja na upimaji wa saratani ya kansa ya shingo ya kizazi, upimaji wa afya ya macho, upimaji wa ugonjwa wa kisukari, upimaji wa shinikizo la damu na utoaji wa elimu ya lishe. Aidha katika maadhimisho hayo waliendesha zoezi la uchangiaji wa damu na utoaji wa chanjo mbalimbali kama vile chanjo ya Uviko-19.

Mgeni Rasmi katika Maadhimisho ya Siku ya Wauguzi Duniani ambaye ni Mkuu wa Wilaya ya Bariadi Mh. Simon Simalenga (aliyevaa kofia) akiwa na wajumbe meza kuu

Mkuu wa Wilaya ya Bariadi Mhe. Simon Simalenga akiwa amemwakilisha Mkuu wa Mkoa wa Simiyu ndiye alikuwa mgeni rasmi katika maadhimisho hayo, sambamba na kutembelea mabanda mbalimbali ya kutolea huduma za afya uwanjani hapo alipata nafasi ya kukabidhi zawadi kwa wauguzi hodari kutoka Halmashauri zote.