Nigo Lodge – Nguzo ya Maendeleo Igaganulwa, Bariadi

Posted on: August 26th, 2025

Mradi wa ujenzi wa Nyumba ya Kulala Wageni – Nigo Lodge wenye thamani ya shilingi milioni 320 umeendelea kuwa chachu ya maendeleo kijamii na kiuchumi katika Kata ya Dutwa, Halmashauri ya Wilaya ya Bariadi.

Nigo Lodge ni mradi binafsi wa Ndg. Shida Maduhu, Mtanzania mzalendo, uliozinduliwa rasmi na Mbio za Mwenge wa Uhuru Kitaifa mnamo tarehe 05 Agosti 2024, katika Kijiji cha Igaganulwa.

Manufaa ya Mradi

• Huduma bora za malazi ya kisasa kwa wakazi na wageni.
• Ajira kwa vijana – vijana 22 tayari wamepata kazi kwenye sekta za uhudumu, usafi, ulinzi na mapishi.
• Kuongeza kipato cha familia na kuboresha maisha ya wananchi.
• Kuchochea biashara ndogo ndogo (vyakula, matunda, usafirishaji n.k).
• Mapato ya Halmashauri kupitia kodi na tozo mbalimbali.
• Kuvutia wawekezaji wapya na kukuza hadhi ya Kata ya Dutwa.

Nigo Lodge sio tu sehemu ya malazi – bali ni nguzo ya maendeleo ya jamii, ikichangia ajira, biashara na ustawi wa kiuchumi kwa wananchi wa Igaganulwa na Wilaya ya Bariadi kwa ujumla.

 Hongera kwa mwekezaji huyu mzalendo kwa kuunga mkono juhudi za Serikali katika kukuza uchumi, ajira na maendeleo endelevu!

Huduma rasmi zilianza kutolewa Agosti 2024.