TIMU YA UKUSANYAJI WA MAPATO BARIADI DC YAKABIDHIWA VITENDEA KAZI

Posted on: February 6th, 2025

Timu ya ukusanyaji wa mapato ya Halmashauri ya Wilaya ya Bariadi leo Februari 06, 2025 imekabidhiwa vitendea kazi mbalimbali kama vile viakisi mwanga 50, Makoti ya mvua 50, Kofia 50, Tochi 10 pamoja na vibanda vya walinzi vinne.

Akizungumza wakati akikabidhi vitendea kazi hivyo Mkuu wa Wilaya ya Bariadi Mhe.Simon Simalenga amepongeza Halmashauri ya Wilaya ya Bariadi kwa hatua hiyo kwani itaongeza ufanisi katika zoezi zima la ukusanyaji wa mapato.

"Timu mnayokwenda kukusanya mapato niwaombe sana popote mtakapokuwa sisi tutakuwa tunawamulika, ukisimamisha gari kuna mapato unatakiwa ukusanye ni lazima POS zitumike, zisipokelewe fedha ukaweka mfukoni mwako" alisisitiza Mhe.Simalenga

Timu ya wakusanya mapato ya Halmashauri baada ya kukabidhiwa vitendea kazi vikiwemo viakisi mwanga

Halmashauri ya Wilaya ya Bariadi kwa sasa imeanza kutekeleza mfumo wa uuzaji wa mazao wa stakabadhi ya ghala hivyo vizuizi vya ukaguzi wa mazao na vitendea kazi vilivyogawiwa leo vitasaidia katika kudhibiti utoroshwaji wa mazao.